Jobs: Attaché(e) parlementaire

Missioun

Als parlamentareschen Attaché ass Är Missioun fir eis Deputéierten bei hirer parlamentarescher Aarbecht am Alldag z’ënnerstëtzen.

Aufgaben

Är Aarbecht ëmfaasst ënnert anerem:

Schreiwe vu parlamentaresche Froen: Suivi vun der Presse, offiziellen Dokumenter, Biergerufroen, …
Schreiwe vu legislativen Texter : Gesetzespropositiounen, Amendementer, Motiounen, …
Analyse a Schreiwe vun Notten iwwert aktuell Projeten an der Chamber an Themefelder déi op der Dagesuerdnung stinn.
Treffen mat Acteuren vum Terrain fir sech e bessert Bild iwwert d’Situatioun vun alle Säiten ze maachen an esou eng besser legislativ Aarbecht z’ënnerstëtzen.
Organisatioun a Participatioun u Konferenzen: Organisatioun an Duerchféierung vu Konferenzen zur politescher Bildung
Analyse vum Staatsbudget a Redaktioun vun Notten a Recommandatiounen
Verschidden administrativ Tâchen

Dir identifizéiert Iech mat de Grondprinzipien vun de PIRATEN
Dir hutt Kenntnisser an e Verständnis vun der nationaler an internationaler Politik an hirem Kader
Dir beherrscht déi dräi offiziell Landessproochen a Schrëft a Sprooch sou wéi Englesch.
Dir kennt Iech aus mat de gängege Computer-Programmer a wësst wéi een sozial Netzwierker benotzt, Kenntnisser vun OpenSource Office-Programmer ass vu Virdeel.
Dir hutt Organisatiounstalent, kënnt Texter fräi schreiwen an hutt en Equippegeescht

Attaché(e) parlementaire